अस्वस्थ

ती माझ्या मैत्रिणीची आई. बघताक्षणी शामच्या आईची आठवण करून देणारी। शांत, प्रेमळ आई. मुलांची काळजी घेणारी. रात्रंदिवस कष्ट करणारी तरीही हसत असणारी, आई. पण मला त्यांच्याकडे बघितलं कि त्यांच्या चेहऱ्यावर अस्वस्थतेची एक लकेर दिसते. त्यांच्या मनात काहीतरी धुमसतंय असं वाटतं. मनात कुठतरी निराशा, अशांतता आहे असं वाटतं. त्यांना कधी कशाची तक्रार करताना मी पाहिलेलं नाही, 'टिपिकल' बाय्कांसारख 'गॉसिप' करतानाही मी त्यांना पाहिलेलं नाही. पण तरीही त्यांना खूप ओरडून काहीतरी सांगायचं आहे, असं वाटतं. खूप सोसाल्याच्या वेदना त्यांच्या डोळ्यातून अनेकदा व्यक्त होतात. हे सगळे माझ्या मनाचे खेळही असतील कदाचित....पण असं वाटतं खरं. कधी कधी त्यांच्याशी खूप बोलावं, त्यांचं खूप ऐकावं असं वाटतं, पण आमचं वय, नातं आड येत असावं.