Friday, January 29, 2010
फिर मिले सूर मेरा तुम्हारा
१९८८ साली पंडितजींच्या आवाजाने (योग्य विशेषण सुचत नाही) सुरु होणारं 'मिले सूर मेरा तुम्हारा' हे गाणं न ऐकलेली किंवा न गुणगुणलेली व्यक्ती भारतात न भेटणं जरा अवघडच वाटत. आजही ते गाणं तितकंच श्रवणीय आहे, 'गोड' आहे. त्यात दिसणारे सगळे कलाकार ,गायक ,वादक आणि सगळी प्रेक्षणीय दृश्ये याविषयी अधिक न बोललेलंच बरं.
तर सांगायची गोष्ट अशी की 'झूम' ने 'फिर मिले सूर मेरा तुम्हारा' नावानं याची सुधारित आवृत्ती २६ जानेवारीला बाजारात आणली. याही गाण्याची (की अल्बमची) सुरवात पंडितजींइतक्याच महान कलाकाराने होते, ए.आर. रेहमान. तो एका वाद्याने (नाव माहित नाही) गाण्याची अप्रतिम सुरवात करतो. यात वादकांची एक पिढी दिसते. पंडित अमजद अली खान अमान आणि अयान दिसतात, पंडित शिव कुमार शर्मा आणि राहुल शर्मा, एल. सुब्रमण्यम-कविता कृष्णमुर्ती आणि त्यांची मुले, अनुष्का शंकर, ब्यांडवाले लुई का कोणीतरी, सोबत शंकर-एहसान-लॉय, शिवमणी ( इथं त्याला वाजवताना बघणं अधिक सुंदर)असे बेहतर वादक शान, सोनू निगम आणि कमी काळात यशस्वी गायिका म्हणून नावाजलेली गोड आवाजाची श्रेया घोशाल आणि दक्षिणेकडचे दोघे (हे दोघेही अपरिचित) असे अनेक गायकही पडद्यावर दिसतात. कलाकारांचं म्हणाल तर अमिताभ-अभिषेक- ऐश्वर्या-प्रियांका- शिल्पा-आमीर- सलमान- शाहरुख-रणबीर-दीपिका-जुही अशी हिंदी कलाकारांची फौजच यावेळीही आहे.याशिवाय सूर्या(तेलेगु 'गझनी' फेम), मामुट्टी, विक्रम('अपराजित' फेम), महेशबाबू (पोकीरी फेम- मूळचा 'वॉनटेड') (दक्षिणेचे कलाकार), गुरदीप मान, प्रसेनजीत आणि ऋतुपर्णो घोष, गुजराती गायक की अभिनेता ठाऊक नाही, अशी दमदार प्रादेशिक कलाकारांची आघाडी आहेच. मराठीसाठी आपले अतुल आणि सोनाली कुलकर्णी ('नटरंग' मधली नव्हे बरं का!) शोभूनच दिसतात.
यांच्याशिवाय सायना नेहवाल, पी गोपीचंद , मेरीकोम, अभिनव,सुशीलकुमार, विजयांदरअसे खेळाडूही पडद्यावर दिसतात.
दोन्हीतला फरक सांगण्यापेक्षा किंवा अधिक उत्तम काय याची चर्चा करण्यापेक्षा दोन्हीमुळे भारताचं भाषेतलं, पेहराव्यातलं, संगीतातलं वैविध्य लक्षात येतं, इतकं स्वतःला 'भारतीय' म्हणवणाऱ्या माझ्यासारखीला पुरेसं आहे.
Subscribe to:
Post Comments (Atom)
हा काही दोष म्हणून नाही, पण आधीच्या पोस्टींमधली भाषिक genuinity या पोस्टमध्ये नाही बहुतेक. बाकी चांगलं. रेडीओवर ऐकलं पण बघायला मिळालं नाही.
ReplyDeleteThis comment has been removed by the author.
ReplyDeletehi i just love to read you. nice one ya
ReplyDeletesugandha ,
ReplyDelete'jan Gan man' cha sudha new version song ahe